आले माझे बाप्पा आज घरी
सोबतीला त्यांच्या मूषकाची स्वारी
मूर्ती तयाची अती साजीरी
दोंदील तनु ते शोभे भारी
वाजत गाजत गणराज आले
त्रिभूवन अवघे आनंदी झाले
रूप पाहता देखणे , मन हरपले
चरणी तयाच्या मस्तक ठेवियले
विघ्नहर्ता विघ्ने आमची हरावी
करुणालया करुणा तुझी असावी
तुझ्या कृपेने दुःखें अवघी नासावी
हेरंबा गणनायका तूच आम्हा तोषवी
प्रेमे करूनी पाद्य पूजा
मोदक अर्पूनी नैवेद्यासाठी
तुझा हा 'प्रसाद ' विनवीतो तुजला
बुद्धीच्या नायका बुद्धी देई मजला
प्रसाद गोडांबे 🙏
प्रसाद गोडांबे
कवितेत माझ्या तू तुलाच पाहतेस
आठवणींच्या हिंदोळ्या वरती झुलतेस
तेंव्हाच तू माझी कविता होतेस
या पेक्षा सुखं अजून ते काय पाहिजे
नजर बोलकी तुझी ही सांगते
गालावरची खळी खुणावते
अजूनही तू माझ्या प्रेमात न्हाहते
या पेक्षा सुखं अजून ते काय पाहिजे
श्वासात माझ्या तुझा उश्वास भरावा
हात हाती तू माझा धरावा
आपणा पाहुनी चंद्रही हसावा
या पेक्षा सुखं अजून ते काय पाहिजे
पहाटेस हा पारिजातक बहरतो
सडा सांडुनी मंद दरवळतो
तुझ्याच प्रेमाने मी चिंब होतो
या पेक्षा सुखं अजून ते काय पाहिजे
तू मला प्रेमें आलिंगावे
अधरातुनी तुझ्या अमृत पाझरावे
तुझ्याच नशेत मी जगावे
या पेक्षा सुखं अजून ते काय पाहिजे
प्रसाद गोडांबे
