एक दिवस स्वप्नातला असा असावा

मस्त गुलाबी थंडीतली सकाळ असावी

गधं बहरला प्राजक्त असावा

साथीला फक्त सखे,  तू सवे असावी

हातात गरमागरम चहाचा कप असावा

सोबत तुझ्या नजरेची उब असावी

शब्दांना तिथे मुळी थारा नसावा

मुक्या भावनांची भाषा असावी

श्वासांना एकमेकांचा भास असावा

अधरांवर अमृताची चव असावी

उगवतीच्या किरणांचा स्पर्श असावा

सोनसकाळी फुलणारी अपुली प्रीत असावी..

                          -प्रसाद गोडांबे

 सांज येता अंगणी

तुझा हा ऋतू नभ पांघरतो

शांत एकांत समयी

वारा हा कसा आक्रंदतो

क्षितिजा वरून डोकाऊनी

रवीही पाहतो अन शशीही पाहतो

गडे ..सहवासात

केंव्हातरी गंध तुझा असा भिनतो

मी माझा न उरतो.. मी माझा न उरतो...

                              प्रसाद गोडांबे