एक दिवस स्वप्नातला असा असावा
मस्त गुलाबी थंडीतली सकाळ असावी
गधं बहरला प्राजक्त असावा
साथीला फक्त सखे, तू सवे असावी
हातात गरमागरम चहाचा कप असावा
सोबत तुझ्या नजरेची उब असावी
शब्दांना तिथे मुळी थारा नसावा
मुक्या भावनांची भाषा असावी
श्वासांना एकमेकांचा भास असावा
अधरांवर अमृताची चव असावी
उगवतीच्या किरणांचा स्पर्श असावा
सोनसकाळी फुलणारी अपुली प्रीत असावी..
-प्रसाद गोडांबे
बदलतोय आता मी स्वतःला
कारण ..
इथे 'ध' चा 'मा' होतोय
अन अर्थाचा अनर्थ
शोधतोय आता मी स्वतःला
कारण..
कुणी म्हणती फ्लर्ट
कुणा वाटे चालू
समजावतोय आता मी स्वतःला
कारण..
किंमत नाही भावनांना
विचारतो कोण प्रेमाला
बजावतोय आता मी स्वतःला
कारण ..
प्रेम एकतर्फी नसावं
ते दोघांचं ही असावं
बदलतोय आता मी स्वतःला
कारण..
तुझी इच्छा नसताना
उगा हट्ट कशाला
-प्रसाद गोडांबे
मोगरा ही तेंव्हाच फुलतो ,
जेंव्हा तू गाली हसतेस .
केवडा ही तेंव्हाच दरवळतो ,
जेंव्हा तू गीत गातेस .
कुमुदिनी ही तेंव्हाच डुलते ,
जेंव्हा तू प्रसन्न दिसतेस .
अबोली ही धुंद होते ,
जेंव्हा तू गजरा माळतेस .
रातराणी ही गधं विसरते ,
जेंव्हा तू मंचकी पहुडतेस .
चाफा ही अबोल होतो ,
जेंव्हा तू लाजतेस .
प्राजक्त ही सडा सांडतो ,
जेंव्हा तू सुखावतेस .
जणू फुलं तुझं दास्य स्विकारतात ,
अन तूच त्यांची फुलराणी बनतेस .
- प्रसाद गोडांबे
आभार त्यांचे ज्यांनी मला प्रेम दिलं ,
आभार त्यांचेही ज्यांनी मला अव्हेरलं .
आभार त्यांचे ज्यांनी मला जवळ केलं ,
आभार त्यांचेही ज्यांनी मला दूर लोटलं .
आभार त्यांचे ज्यांनी मला हसणं शिकवलं ,
आभार त्यांचेही ज्यांनी मला रडणं शिकवलं.
आभार त्यांचे ज्यांनी मला सदैव साथ केलं ,
आभार त्यांचेही ज्यांनी मला अर्ध्यावर सोडलं.
आभार त्यांचे ज्यांनी मला मोहात पाडलं ,
आभार त्यांचेही ज्यांनी मला मोहातून सोडवलं.
आभार त्यांचे ज्यांनी मला स्वप्नात गुंगवलं ,
आभार त्यांचेही ज्यांनी मला स्वप्नातून जागं केलं.
आभार त्यांचे ज्यांनी मला समजून घेतलं ,
आभार त्यांचेही ज्यांनी मलाच आरोपी केलं .
आभार त्यांचे ज्यांनी मला आपलं केलं ,
आभार त्यांचेही ज्यांनी मला परकं केलं .
आभार त्यांचे ज्यांनी मला वाचलं ,
आभार त्यांचेही ज्यांनी मला नजरंदाज केलं .
आभार त्यांचे ज्यांनी मला ' Top Fan ' केलं ,
आभार त्यांचेही ज्यांनी मला ' Block ' केलं .
सखी असो वा सखा .असो कुणी नात्यागोत्यातलं ,
आभार त्या सगळ्यांचेच ज्यांनी मला जगणं शिकवलं .
-प्रसाद गोडांबे
