गंध तुझ्या ओंजळीतल्या मोगर्याचा
आसमंत भारूनी गेला
हलकेच पांघरलेस तू मला
अन श्वास श्वासात गुंतूनी गेला
           रेशमी मिठीत तुझ्या आज
           ऋतू रंग सारे उधळूनी गेला
           धुंद तू अन धुंद मी
           चांद चांदणे शिंपूनी गेला
राञ ही संपणार नाही 
मदन रंगी रंगूनी गेला
प्रीत ही बावरली अशी 
आणि गजरा कुस्करूनी गेला
            तू तशी आणि मी असा हा
            पाऊस पुन्हा बरसूनी गेला
            सुखांनी तृप्त या श्वासांना
            पहाटवारा जोजवूनी गेला